أمر مولانا
. اللى عنده دوله سارئانا ..
وجاريته مرجانا..
اللى يا رب تتجوزومتبقاش حيرانا
لقوا الناس فى البلاد زهقانا
الكل عطشان
الكل جعان
و محدش يقول اه يا زمان
المنطقه تعيش سبع ليالى
كلها ضلام فى ضلام ..
تقدموا العطايا باسم مولانا
اربعين برميل دهب اسود مهر مرجانا
واللى هيفوتوا الميعاد
ميسألش عن حاجه
هيزوروا الجلاد
فى اى حته فى البلاد
بأمر مولانا
أمير البلاد المفطفط
بوش ) مزقطط)
ابو كلام مرطرط
وسلاموا مشطشط
وهو والكرباج فى ايديه
بيعلنها وشره باين فى عينيه
اسمع وطأطأ ودانك
يالى انت مش شايف حاجه ادامك
يا اهالى الشرق الموسط
اوعى تصوت او تزغرد
على الحاضر يعلم الغايب
يالى مفيش فيكوا خايب
دا الكل سايب
والكل شايب
والسبع ليالى الكلام ممنوع
والزعل مرفوع
واوعى الدموع
لكن تولعوا فى نفسكوا شموع
شموع الندامة سودا فى كل أنحاء الشرق المفرط
الاوله
على الكل دفع الاتاوه
والا هيبقى فى فيتو وحبه فتاوى
تدفع كل اول شهر
عشان ميبئاش فيه قهر
والتانيه
هيجلنا وقت زهقانين هنضرب فيه
مش هنقول امتى وهنخبيه
واللى مش عاجبه يقول
وهو مش هيلاقى الفول
والتالته
فتح عينيك
فتح دماغك
هنفتح مدرسه كومبو السنه الجايه
تتعلم فيها خمسه حريه
ومعاها بالمره حبة ديمقراطيه
والرابعه
بأمر مولانا بعد ما شاف مرجانه زعلانه
هتلف البلاد تختار العريس من اولها لاخرها
ومش هترجع الا وفى ايديها دليلها
ترتاح وتريح
وتحاول مع الناس تسيح
على الكل السمع والطاعة وأوعى تقول دى أشاعه
يبقى الكل هيسمع
والكل يطيع
ومحدش يطلع من القطيع
المنطقه تعيش سبع ليالى
كلها ضلام فى ضلام ..
تقدموا العطايا باسم مولانا
اربعين برميل دهب اسود مهر مرجانا
واللى هيفوتوا الميعاد
ميسألش عن حاجه
هيزوروا الجلاد
فى اى حته فى البلاد
بأمر مولانا
أمير البلاد المفطفط
بوش ) مزقطط)
ابو كلام مرطرط
وسلاموا مشطشط
وهو والكرباج فى ايديه
بيعلنها وشره باين فى عينيه
اسمع وطأطأ ودانك
يالى انت مش شايف حاجه ادامك
يا اهالى الشرق الموسط
اوعى تصوت او تزغرد
على الحاضر يعلم الغايب
يالى مفيش فيكوا خايب
دا الكل سايب
والكل شايب
والسبع ليالى الكلام ممنوع
والزعل مرفوع
واوعى الدموع
لكن تولعوا فى نفسكوا شموع
شموع الندامة سودا فى كل أنحاء الشرق المفرط
الاوله
على الكل دفع الاتاوه
والا هيبقى فى فيتو وحبه فتاوى
تدفع كل اول شهر
عشان ميبئاش فيه قهر
والتانيه
هيجلنا وقت زهقانين هنضرب فيه
مش هنقول امتى وهنخبيه
واللى مش عاجبه يقول
وهو مش هيلاقى الفول
والتالته
فتح عينيك
فتح دماغك
هنفتح مدرسه كومبو السنه الجايه
تتعلم فيها خمسه حريه
ومعاها بالمره حبة ديمقراطيه
والرابعه
بأمر مولانا بعد ما شاف مرجانه زعلانه
هتلف البلاد تختار العريس من اولها لاخرها
ومش هترجع الا وفى ايديها دليلها
ترتاح وتريح
وتحاول مع الناس تسيح
على الكل السمع والطاعة وأوعى تقول دى أشاعه
يبقى الكل هيسمع
والكل يطيع
ومحدش يطلع من القطيع
"معدل"
أضف تعليقا
<<الصفحة الرئيسية